Ózim Taqıyatasta orta mektepte oqıdım. Mektepte bir ботаник bolǵanman. Jáne basqalarǵa ermek bolıp óz pikirine iye bolmaǵan bir bala bolıppan, oylap qarasam. Mısalı: 6-klassımnan ingliz tilinen “bilimler bellesiwi” ine baratuǵın edim. 2-jıldan soń yaǵnıy 8-klassımda pánimdi informatikaǵa ózgertpekshi bolǵanman. Sonda mekteptegi ingliz tili muǵallimim yaq Abat tek ingliz tilinen qatnasadı dep meniń atımnan sheshken. Sol waqıtta qansheli aqmaq bolǵanımdı endi túsinip atırman. Maǵan úlkenlerge gáp qaytarma dep úyretip taslanǵan biraq eger seniń ústińnen sheshim qılıp atırsa ol úlkenbe ya kishi óz pikirińde turıp alıwıń kerek. Bul seniń qızıǵıwshılıǵıń, eń áhimiyetlisi bul seniń ómiriń qáteme ya durıs óziń ushın ózim sheshim qabıl etiwiń kerek. Qáte bolsa ne? Ne bolıptı bul jaǵdayda da keminde bir nárse úyreneseń: bul nárse ne ushın qáteligin hám bul áhimiyetli. Men úlkenlerdi húrmetleme dep atırǵan joqpan al seniń atıńnan qarar qabıl ettiriwine jol qoyma dep atırman.
Al maqsetke kelsek. Mende mektep waqıtta rası ulıwma maqset bolmaǵan tek mektepti qashan tawsaman degen oylar menen júrgenmen. Elege shekem usı ketirgen waqıtıma ashınaman. Úyimdegilerde maǵan maqset qoyıwǵa járdem bere almaǵan, óytkeni … (yaqshı bunı keyingisinde jazaman). Birinshi maqset liceyge kirgenimnen soń bolǵan olda hámme bilgen universitetke kiriw edi. Licey meniń ómirimde úlken burılıs jasadı. Ol jerde jańa doslar hám olarda “botan”lar (hámmesi emes álbette biraq kópshiligi sebebi test arqalı liceyge qabıllanǵan). Ulıwma hár rayonnan kelgen balalar hám hár qıylı pikirler jáne licey jataqxanasında (ehh qanday zor waqıtlar edi) bulardıń barlıǵı ózimdi qayta jaratıwıma sebepshi boldı.