Universitette filologiya fakultetinde (basqalarda bar biraq ásirese filologiyada úlken % bolsa kerek) oqıytuǵın studentlerde bir ádeti bar-ay. Social tarmaqlarda handle (username) ya nickname'leriniń aqırına KarSU degen suffix qosıp aladı. Bul ne mánis bildiredi? Meniń birneshe boljawlarım bar:
- Olar usınday universitette oqıwdı maqtanısh sezimlerin sezgen jaǵdayda jazadı.
- Olar universitetke kirgenin hámme biliwin qáleydi
- Bul nárse onıń ádeti erteń bir jumısqa kirse jumısıń atın jazıp qoyadı.
Men ushın bul sál krinjlaw jaǵday sebebi bunıń kimge ne qızıǵı bar? Awa bilemen hárkimniń óziniń jeke betine qálegen nársesin jazıp qoyıwǵa haqqı bar hám bul menen meniń jumısım bolmawı kerek. Sonda da men bulardı kórgen sayın krinj sezimi oyanıp jańaǵı 3 sebepti esleymen. Ózimniń ol jerde опыт'ım bolǵanı ushın qalayınsha oqıp maqtanısh etiw múmkinligin hesh kóz aldıma keltire almayman. Men mısalı maqtanısh etiw túwe elege shekem 6 ay oqıǵan bolsam sol ótkergen 6 ay ketirgen nonsense ómirime ashınaman.
Keyin ulıwma univerdiń atınıń nickname, handle'ǵa ne baylanısı bar ózi eger onı bio bólimine "QMU studenti" ya inglizshelep jazǵısı kelse "Student of KarSU" dep qoysa ulıwma joqarıdaǵı keltirgen sebeplerdi eslemeymen sebebi bul tap usını jazatuǵın orın da endi. Bul óz náwbetinde adamnıń social tarmaqlardan tuwra paydalana alıwın kórsetedi.